منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
قورود آشی،
یئمهیه قورود آشی.
اینسانین کؤنلو اولسا،
گؤیردر قورو داشی.
اویانمادی،
یاتیر یار، اویانمادی.
قالاندیق بیر اوجاغا،
من یاندیم، او یانمادی.
گنجه داشی،
کۆر داشی، گنجه داشی.
قونشون بدؤولت اولسا،
یؽخ ائوین گئنجه داشی.
آی آزالدی،
گؤی اۆزون آیاز آلدی.
گئتدی، کؤمک قالمادی،
آرخامیز آی آزالدی.
اوزان اولدوم،
اوبالار گزن اولدوم.
نه اؤلدوم، نه قورتاردیم،
هر درده دؤزن اولدوم.
قار قالاندی،
قار یاغدی، قار قالاندی.
قارغالار لاچین اولدو،
لاچینلار قارغالاندی.
توتون، دۆشسون،
باتمانین بۆتون دۆشسون.
غریب گلدی وطنه،
آتینی توتون، دۆشسون.
قورد آغزی،
قورد اولاشی، قورد آغزی.
سایا آغلا دولونجا
دگدی اونا قورد آغزی.
نئجه داغلار،
گؤرونور نئجه داغلار.
یئتیملیک چکن بیلر،
یاش گؤزو نئجه داغلار.
بئله مئیلر،
ایچیلمز بئله مئیلر.
سئون یار سئودیگینین
آخرین بئلهمی ائیلر؟
هایات-هایات،
قورولموش هایات-هایات.
گزرسن، عؤمرون آرتار،
یاتارسان ها یات، ها یات.
آی آلخاس،
گئنده دورما، آی آلخاس!
ار باشی عرشه قالخار،
اؤیده اولسا آیال خاص.
آلا قوزو،
یئمهیه آلا قوزو.
ناحق یئردن ائو یؽخار
آدامین آلاقوزو.
آغاج آتدیم آغاجا،
بیر قوش ووردوم بالاجا.
یار یارینی چوخ ایستر
صفردن گلن گئجه.
عزیزیم، آی اوتانماز،
گۆن دوغار، آی اوتانماز.
پیسین پیس عمللرین
اۆزونه سای، اوتانماز.
آراز آخیر میانا،
سن دلی، من دیوانا.
بیزیم باغین بۆلبولو
قونوب سیزین ائیوانا.
عزیزینم دولان، گز،
داغ-داشی دولان، گز.
عؤمرو بو پوچ دۆنیادا
هانی باشا ووران کس؟!
آی دولاندی باتماغا،
یاریم گئتدی یاتماغا.
یاسدیغی دؤرد دولاندیم،
قؽیمادیم اویاتماغا.
قاپیدان بیری گلدی،
گؤزومون نورو گلدی.
بو آرخی کیم ایشلهدی،
سو بئله دورو گلدی؟
گل گئدک هون داغینا،
گۆن دۆشوب هون داغینا.
سنی دوغان آنانین
اود دۆشسون قونداغینا.
«
‹
211
212
213
214
215
›
»