منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
آغ دوهنین گؤزلری،
یئره دگمز دیزلری.
بو ایّامین قؽزلاری
کبین کسر اؤزلری.
بنؤوشهیم، بنؤوشه،
دۆشموشم دیله-دیشه.
منی گلینلر، قؽزلار
دریب تاخارلار دؤشه.
ارکین دامی اوجادی،
اۆستو باجا-باجادی.
کیشی، ساققالین قؽرخدیر،
آرواد دئیر قوجادی.
ائلهمی، اۆستو اولماز،
باجانین اۆستو اولماز.
اگر اودون یانماسا،
اوجاقدا تۆستو اولماز.
عاشیق ایللر آیریسی،
بۆلبول گۆللر آیریسی.
گۆنه دؤزمهین جانیم
اولدو ایللر آیریسی.
میخک اکدیم قالخیندی،
سؽنیق کؤنلوم، قالخ ایندی.
سئوگیلیمدن آیریلدیم،
قوی دینجلسین خالخ ایندی.
بو یول فراتا گئدر،
دؤنر فراتا گئدر.
بو یولا گؤز دیکهنین،
عؤمرو قاراتا گئدر.
آتش داشی، دوز داشی،
گل یئیک بولغور آشی.
ال-اله توتاق گئدک،
دوستا-دۆشمانا قارشی.
قوشون گلر، سان گئدر،
آچما یارام، قان گئدر.
یۆز مین طبیب نئیلهسین،
اجل گلسه جان گئدر.
سو مندن، سوچو مندن،
چیم کسر سوچو مندن.
چمن سودان قورخماقدان
قورخوبدور سو چمندن.
اووچولار اووو گؤزلر،
چاخماق دا قووو گؤزلر.
آلویزدان قالخان ترلان
گؤیده مورووو گؤزلر.
من عاشیق سالی سالسین،
دریالار سالی سالسین.
سالماسین خودام گؤزدن،
هر کیمسه سالی سالسین.
آشیق مینایه دگر،
خالین مینایه دگر.
ایل وار، بیر گۆنه دگمز،
گۆن وار، مین آیه دگر.
داغلاردا قار سسی وار،
یوخ دئییل، وار سسی وار.
آتلار ایفچین ناللانیب،
گئنه صفر سسی وار.
آتا مینن آغادیر،
آتین یولو داغادیر.
یاخشی قولاق آس، یاریم،
بو بایاتی سانادیر.
فلکین بیر باغی وار،
اۆستونده چارداغی وار.
من او باغا گئتمرم،
قلبیمده یار داغی وار.
تنهایی قاراقاری،
رقیبی قارا قاری.
داغلار، قۆزئیلی کؤنلوم،
ساخلاقیل قارا قاری.
آغ اۆزونده ماچیم وار،
گۆلبتین ساچیم وار.
منه گؤیچک دئییرلر،
مننن گؤیچک باجیم وار.
قارشیمیزدا یای دامی،
لهله تیکدی، یای دامی.
پاییز جنّت، قؽش قورجی،
یاز سولطاندیر یای دامی.
داغ دؤشونده یول دورار،
سو آخماسا گؤل دورار.
خوش گۆن عؤمرو اوزادیر،
غم اینسانی اؤلدورر.
«
‹
212
213
214
215
216
›