منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
اؤکوز قؽیار جانینی،
بیلمز قامچی سانینی.
قاییش چکن قاشقا کل
ایش اۆستونده تانینی.
داغ دؤشونده یاتانا،
گۆن گئدر آی باتانا.
قارا کلیم قارغییار
کوتان ماجی توتانا.
گؤزله خوروز بانینی،
کللر ایشده تانینی.
گۆته گئتمهین اؤکوز
یئریشیندن تانینی.
گۆن دۆشدو قار اۆستونه،
باغچادا بار اۆستونه.
تنبل یاتان اؤکوزون
قوشلار قونار اۆستونه.
قارا کل، ایلیم باری،
دئ دردین، بیلیم باری.
منی ماغمین ائیلهمه،
آچیلسین دیلیم، باری.
قارا کل گئدر ایشه،
قورخوم وار باغری بیشه.
نولا بیر بولود گله،
یاغیش یاغا، نم دۆشه.
قارا کلیم، گۆنده من،
کؤلگهده سن، گۆنده من.
سن یات قایا دیبینده،
قوی قارالیم گۆنده من.
اؤکوزلر قوشا گئتدی،
ایشلهدی، جوشا گئتدی.
کوتان ماجی قؽریلدی،
زحمتیم بوشا گئتدی.
داغلارین ائنیشی وار،
دیکی وار، ائنیشی وار.
گۆته گئدن اؤکوزون
اؤزونون یئریشی وار.
آخشاملار، آی آخشاملار،
شاملار یانار آخشاملار.
ائل-اولوس ائوده یاتار،
خودک هاردا آخشاملار.
قارا کلیم سان گئدیر،
اؤکوزلردن یان گئدیر.
گئجه-گۆندوز ایشلهییر،
دؽرناغیندان قان گئدیر.
قارا کل آستا گئدر،
دولانار، دوستا گئدر.
آی قارانلیق گئجهده،
هاستاباهاستا گئدر.
دوست دوستدان اۆزدن اینجیر،
بیر آجی سؤزدن اینجیر.
یۆکو آغیر اولاندا
اؤکوز اؤکوزدن اینجیر.
بیجه-بیجه اکیزلر،
خوداق یئرده نه گیزلر؟
قارا کل یورولاندا
دارتار چکر اؤکوزلر.
قورد سۆرودن پای سالیر،
چوبان داغا های سالیر.
اؤکوز آخ-وای دئمکدن
بویوندوروق وای سالیر.
قارا کلیم ناز ائیلر،
قویروق بولار، توز ائیلر.
آی قارانلیق گئجهده
کوتانی پرواز ائیلر.
هولا دئدیم، دۆشدو قاج،
گؤیده اوینادی قؽرمانج.
اؤکوزلر اوتا گئتدی،
قارا کلیم قالدی آج.
ندن یانا،
خاللارین ندن یانا.
یاخشی دوست یامان گۆنده
چکیلیر ندن یانا.
کس آرانی،
دولدور وئر کسرانی.
اولورسان وفالی اول،
اولمورسان، کس آرانی.
قارسا یاز،
بورا گۆندو، قارس آیاز.
قلم، قوربانین اولوم،
قیسمتیمی قارسا یاز.
«
‹
210
211
212
213
214
›
»