منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
ننم، آ ساری قویون،
آیاقلا قاری قویون؛
قاپیمدا بول ائلهسین،
نسلینی تاری، قویون.
قویون گلیر، یول اولسون،
یولون ساغی سول اولسون.
یاخشی اوتار سۆرونو،
سۆدو، یاغی بول اولسون.
ننم، آ قؽزیل قویون،
یوللارا دۆزول، قویون؛
کسیلمهسین دامازلیق،
عؤمر ائله یۆز ایل، قویون.
توغلو کسسن، ات اولار،
چوبانا فۆرصت اولار.
سۆرودن آیری دۆشن
بوز قوردا قیسمت اولار.
ننم، آ شیشک قویون،
یونو بیر دؤشک قویون؛
بولامانی تئز یئتیر،
قؽریلدی اوشاق، قویون.
قویون وار، کره گزر،
قویون وار، کۆره گزر.
گئدر، داغلاردا اوتلار،
گلر، ائولری بزر.
ننم، آ گلین قویون،
گتیرر یئلین قویون؛
آرخاجدا سنی ساغار
بیر گؤزل گلین، قویون.
آغ قویون آیا بنزر،
داغ آشار، چایا بنزر.
قویونلو ائولر گؤردوم،
قورولموش یایا بنزر.
سۆرونون گؤزو قویون،
دولان گل دۆزو، قویون؛
ایلده بیر اکیز گتیر،
سئویندیر بیزی، قویون.
آغ قویون آیا بنزر،
داغ آشار، چایا بنزر.
قویونسوز ائولر گؤردوم،
قوروموش چایا بنزر.
ننم، آ آغباش قویون،
قارلی داغلار آش قویون؛
یاغیندان پلوو اولار،
قویروغوندان آش، قویون.
قویون گلر، ناز گلر،
سۆدو ندن آز گلر؟
آغارتیسی بول اولسا،
ائلین گۆنو ساز گلر.
خؽردا-خؽردا چپیشلر،
اوتلارین باشین دیشلر.
گئدر یایلاغی گزر،
گلر آراندا قؽشلار.
سایا یاخشی سایادیر،
یئر-یوردو قایادیر.
اونون گؤزل سؤزلری
یاتانلاری اویادیر.
بوینوزویلا یئر ائشر،
آلنین وورار، دؤیوشر.
گزر داغلار دؤشونده،
یئیر-یئیر، گرنشر.
ابرش سۆرونون گؤزو،
دولاندی داغی، دۆزو.
بر-بزکلی خورجوندا
گلدی بیر املیک قوزو.
آغ قویون گلر دۆشر،
داغلاردان ائنر دۆشر.
قاباغیندا قوچ تکه،
دالیننان مهلر دۆشر.
قارا کلیم آراندا،
چؽخار گۆن قؽزاراندا.
خوداق مورادا چاتیر،
کلیندن بار آلاندا.
کوتانین خوداقلاری،
پارتلاییب دوداقلاری.
قارغایین، کوتان سؽنسین،
دینجلسین خوداقلاری.
قاشقا کلیم بوز، آلا،
تارلایا سالدیم یولا.
تای اؤکوزله ایش آشماز،
اؤکوز گرک جۆت اولا.
«
‹
209
210
211
212
213
›
»