منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
ائللرین خان چوبانی،
سۆرونون یان چوبانی.
قویون یوخویا قالسا،
اویادار بان چوبانی.
اؤروشدن قویون گلسین،
دریسین سویون، گلسین.
املییی سیزین اولسون،
آناسین قویون گلسین.
قویون گزیر آرانی،
گؤرور قؽشی، بورانی.
یانیندا بیر چوبان وار،
دؤشونده وار نیشانی.
ننم، بوز-آلا قویون،
گلیب جزانا قویون.
یئیر سنین اوجوندان،
گئده قؽز آلا قویون.
عزیزیم باهار باری،
شیریندیر باهار باری.
کسمه املیک قوزونو،
قوی گلسین باهار، باری.
ننم، قارالا قویون،
بنزر مارالا قویون.
چوبان یونونو قؽرخیب،
باسار خارالا، قویون.
ننم، قویون قاراسی،
قؽرخار، اولار ناراضی.
یاز گۆنو دلهمهسی،
قؽش گۆنون قووورماسی.
سۆروده وار آز قویون،
کئف-داماغی ساز قویون.
چوبان قورددان چکینسه،
چؤله چؽخامماز قویون.
آلتی بولاق ایچرم،
اۆستو زمی بیچرم.
بیر شیشهیین یولوندا
جاندان-باشدان کئچرم.
ننم، آ تکجه قویون،
یونو وار گؤیجه، قویون.
یئین سنین اوجوندان
ساللانار بگجه، قویون.
آچدیم، یازیلار گؤردوم،
نه تامارزیلار گؤردوم.
چوبان داغدان ائننده
چوخلو قوزولار گؤردوم.
داغلاری ائندی قویون،
دولاندی بندی قویون.
آغارتینی بول ائیله،
سئویندیر کندی، قویون.
یئرین داغ اولسون، چوبان،
کئفین چاغ اولسون، چوبان.
سۆرونو یاخشی قورو،
اۆزون آغ اولسون، چوبان.
ننم، آ دلی قویون،
دولانیب گلی قویون.
گلینلر گۆزمیندن
توخویار خلی، قویون.
سایا-سایا سایادان،
قویون گلیر قایادان.
سایاچییا پای وئرین،
دامازلیغی مایادان.
ننم، یاد آلی قویون،
قانل-قادالی قویون.
یئین سنین اوجوندان
بؤیوک آد آلی، قویون.
ننم، آ نازلی قویون،
قؽرقووول گؤزلو قویون.
پئندیری کسمه-کسمه،
قاتیغی اۆزلو قویون.
ننم، آ ناریش قویون،
یونو بیر قاریش قویون؛
چوبان سندن کۆسوبدو،
سۆدو وئر باریش، قویون.
ننم، آ خاللی قویون،
ممهسی باللی قویون؛
سۆرو داغدان ائننده
توتوروق یاللی، قویون.
کرهسینی قویونون،
کۆرهسینی قویونون.
آج اولاندا گزریک،
دؤورهسینی قویونون.
«
‹
208
209
210
211
212
›
»