منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
لهله شاه لهلهسیدیر،
اجل جان تلهسیدیر.
لهلهنین قبری اۆسته
گؤزل شاه گلهسیدیر.
قارداش منیم گۆلومدور،
گۆلومدور، بۆلبولومدور.
باجی قارداشا قوربان،
قارداش اؤلسه، ظۆلومدور.
داغلاری قار آلیبدیر،
یاغیبدیر، قار آلیبدیر.
قالین مئشه ایچینده
بیر بوداق سارالیبدیر.
کاروان یولا دۆزولور،
قارا گؤزلر سۆزولور.
نئجه من آغلاماییم؟
الیم یاردان اۆزولور.
ائیوانیمیز تاغلیدیر،
یول-ایز بۆتون باغلیدیر.
اوغلو اؤلن آنایام،
سینهم اوغول داغلیدیر.
یانان بیر گۆلوم اولدو،
آغلار بۆلبولوم اولدو.
آنا اوغول ایتیردی،
نه بؤیوک ظۆلوم اولدو.
کؤینگین آلاسیدیر،
گئیمهسن آلاسیدیر.
قوی آغلاسین باجیلار،
قارداشین بالاسیدیر.
گمی گلدی، یان اولدو،
گئجه کئچدی، دان اولدو.
سئوگیلیم واختسیز اؤلدو،
اۆرگیم آل قان اولدو.
گئدیم، هارا یاخشیدیر؟
چکسه دارا یاخشیدیر.
دۆشمن آغ گئییننده
منه قارا یاخشیدیر.
کامانین این اولدو،
دونونو گئین اولدو.
دوست دئین یالان اولدو،
دۆشمنلر دئین اولدو.
عزیزیم یان دوروبدور،
سال گلیب یان دوروبدور.
بوردا بیر جاوان اؤلوب،
عالمی یاندیریبدیر.
شاماما تاغدا دوردو،
گۆل آچدی، تاغدا دوردو.
جفا چکدیم، گۆل اکدیم،
اونو دا شاختا ووردو!
عزیزیم یامان اولور،
آیریلیق یامان اولور.
جاوان اوغول اؤلومو،
سیز بیلین، یامان اولور.
عزیزیم، سکسن اوخو،
سکسن یاز، سکسن اوخو.
یۆز آغلایان بیر یانا،
اۆستومده سن تک اوخو.
داغلارا قار دۆشوبدور،
گؤر نه یامان دۆشوبدور.
قبریمی ائللر قازیب،
نئجه ده دار دۆشوبدور؟
آتیبسان سکسن اوخو،
سینهمدن چک سن اوخو.
قوی ائل-اوبا آغلاسین،
آغی دئ، تک سن اوخو!
قارا گؤزلر سۆزولدو،
الیم یاردان اۆزولدو.
آغجا سینهن اۆسته یار،
آغیر ساللار اۆستهدی.
ائنیشده ائننه باخ،
دولایی دؤنهنه باخ!
مورادینا چاتماییب،
چؽراغی سؤنهنه باخ!
گؤیده دومان تۆستودو،
قبریم یولون اۆستودو.
بیر آخشام گل، بیر صاباح،
گؤرن دئسین دوستودو.
بیر آت میندیم، باشی یوخ،
بیر چای کئچدیم، داشی یوخ.
بوردا بیر غریب اؤلوب،
قوهومو، قارداشی یوخ.
«
‹
206
207
208
209
210
›
»