بایاتی

عزیزیم یۆز ایل یانار،
یۆز هفته، یۆز ایل یانار.
سنین ده اوغلون اؤلسه،
اۆرگین یۆز ایل یانار.

عزیزیم قونچا گئدر،
گۆل آچماز، قونچا گئدر.
مافانین قاباغیندا،
اللرده خونچا گئدر.

کؤینک یۆسته میل یانار،
اۆرک یانار، دیل یانار.
اوغلون ایتیرن آنا
درد چکر، یۆز ایل یانار.

چایدا بالیق یان گئدر،
آچما یارام، قان گئدر.
یۆز مین طبیب نئیله‌سین،
اجل گلر، جان گئدر.

گۆل بوداغین گۆل ایر،
یئل اسدیکجه تئل ایر.
اوغول اؤلمک گؤز تؤکسه،
قارداش اؤلمک بئل ایر.

سؤز دئسن آجی، نئیلر؟
باخسان قؽیقاجی، نئیلر؟
بیر ائوده قارداش اؤلسه،
قارداشسیز باجی نئیلر؟

عزیزیم بئلین بۆکر،
کمان تک بئلین بۆکر.
جاوان اوغول اؤلومو
آنانین بئلین بۆکر.

من عاشیق گؤیم یئرلر،
گؤیرمیش گؤیم یئرلر.
منه نیشانا قالدی
آیاغین دگن یئرلر.

سحردن اسن یئللر،
کندیریم کسن یئللر.
منیم اؤلوم خبریم
آناما دئسین یئللر!

عاشیق ائللی دئییرلر،
دورنا تئللی دئییرلر.
بوردا بیر اوغلان اؤلوب،
بیزیم ائللی دئییرلر.

گۆن گئدر، شامدا مه‌لر،
اورومدا، شامدا مه‌لر.
یاخاسیز کؤینک گئین
باجاسیز دامدا مه‌لر.

بو یولدان گلر گئچر،
آهولار مه‌لر، کئچر.
اوغولسوز آنالارین
قلبیندن نه‌لر کئچر؟

آراز آشاندا مه‌لر،
کۆر قوووشاندا مه‌لر.
آناسیندان بالالار
آیری دۆشنده مه‌لر.

داغلارا سرین دۆشر،
کؤلگه‌سی درین دۆشر.
هر واخت لایلا دئینده
یادیما پریم دۆشر.

باغدا بتین کلملر،
سویون وئرر هرملر.
اوغلو اؤلن آنالار
اوزون چکمز، ورملر.

داغلارا دولو دۆشر،
قار یاغار، دولو دۆشر.
قبریم یول اۆسته قاضین،
آنامین یولو دۆشر.

داغدا مارال خوش مه‌لر،
خوش اینیلدر، خوش مه‌لر.
سنسیز بیر آه چکرم،
آهیمدان داغ-داش مه‌لر.

عزیزیم لاله ندیر؟
الده پیاله ندیر؟
ائشیتسه‌یدین سسیمی،
بیلردین ناله ندیر؟

گئجه‌لر، ها گئجه‌لر،
اوخور درسین، هئجه‌لر.
من آنامسیز دؤزرم،
آنام منسیز نئجه ائلر؟

گلدیگین یاس یئریدیر،
گل اگلش، یاس یئریدیر.
آچ اۆرگیم باشینی،
تامام شیکست یئریدیر.