منو
یولوندا جانینی ترک ائیله‌ین نئدر باشی؟
یولوندا جانینی ترک ائیله‌ین نئدر باشی؟
کیم اولا منع ائده عشقینده رند و اوباشی؟
هزار سجده‌ی شکر ائیلرم من درویش،
حقیقت اهلینه محراب اولاندا اول قاشی.
غبار پایینه جاروب اولدو غمزه‌ی چشم،
ساچین سلاسلی منع ائیله‌ینده فراشّی.
وصال جنّتینه واصل اولمادی زاهد،
مگر که بیلمه‌دی قدر وصال اول ناشی.
نثار قیلدی سنین مقدم شریفینده،
بسان دُرّ گرانمایه گؤزلریم یاشی.
زعشق رونق مجلس ایریشدی اصحابه
گؤرنده طالب میخانه رند قلاّشی.
حقیقی، کام ایله بولدو وصالینی حقدن،
رقیب چالدی بو حسرتده باشینا داشی.
کیم اولا منع ائده عشقینده رند و اوباشی؟
هزار سجده‌ی شکر ائیلرم من درویش،
حقیقت اهلینه محراب اولاندا اول قاشی.
غبار پایینه جاروب اولدو غمزه‌ی چشم،
ساچین سلاسلی منع ائیله‌ینده فراشّی.
وصال جنّتینه واصل اولمادی زاهد،
مگر که بیلمه‌دی قدر وصال اول ناشی.
نثار قیلدی سنین مقدم شریفینده،
بسان دُرّ گرانمایه گؤزلریم یاشی.
زعشق رونق مجلس ایریشدی اصحابه
گؤرنده طالب میخانه رند قلاّشی.
حقیقی، کام ایله بولدو وصالینی حقدن،
رقیب چالدی بو حسرتده باشینا داشی.