جان اولماز ایسه، سن تکی جانان یئتر مانا

جان اولماز ایسه، سن تکی جانان یئتر مانا،
وصلین بو خسته کؤنلومه درمان یئتر مانا.

هیجرین جفاسی ائیله یؽخیبدیر بو کؤنلومو،
هر شب قاپوندا ناله و افغان یئتر مانا.

ظۆلمات ایچینده آب-حیات ایسته‌مز کؤنول،
لعلین زۆلالی چئشمه‌ی-حئیوان یئتر مانا.

زاهید، قوپارما سن منی مئیخانه‌دن بو گۆن،
روز-ازلده یار ایله پئیمان یئتر مانا.

گرچی، خطایی، گئتدی الیندن وۆصال-دوست،
هر دم خیال-دیده‌یه مهمان یئتر مانا.