بایاتی

گل گئدک باش بولاغا،
سویو سرخوش بولاغا.
بیرین سن دئ، بیرین من،
تؤکک قان-یاش بولاغا.

دورموشام اؤزوم یولدا،
دولاشار سؤزوم یولدا.
یارین فراقیندایام،
قالیبدی گؤزوم یولدا.

تبریز اۆستو ماراغا،
زۆلفون گلمیر داراغا.
یاردان خبر گلمه‌دی،
من دۆشموشم سوراغا.

اولدوزلار سایریشاندا،
قلب قلبه قاریشاندا.
چتین اولور آیریلماق،
گؤز-گؤزه آلیشاندا.

خزل چؽخیب قورشاغا،
بیر اۆن دۆشوبدو باغا.
بۆلبول گۆلون آختاریر،
قونور بوداق-بوداغا.

عزیزیم، اوتاغیندا،
بۆلبولم بوداغیندا.
بالا آنادان آیری
جان وئریر اوتاغیندا.

دنیز قؽراغی آدا،
جانیم دۆشوبدو اودا.
اؤلومومه یانمیرام،
یاریم قالاجاق یادا.

بۆلبول اوچار کوللاردا،
گۆل بوداغلی قوللاردا.
هارداسان، یار، هارداسان؟
گؤزوم قالدی یوللاردا.

بولود yox.bax سمایا،
اولدوز تک آخ سمایا.
ذرّه‌جه اۆزون گؤرسم،
کافرم، باخسام آیا!

قولتوغومدا باغلاما،
من گئدیرم، آغلاما!
گئدرم، یئنه گللم،
یادلارا بئل باغلاما.

من عاشیق قالا قالا،
داغ اۆسته قالا قالا.
یار یولوندا جان اۆزدوم
اینتیظار قالا-قالا.

الینده وار باراما،
ساچلاریمی داراما.
آمان، چؽراق گتیرین،
باجیم باخسین یاراما.

باغچادا بارین قالا،
حئیوان یوخ، نارین قالا.
قیامت او گۆن قوپار،
اؤله‌سن، یارین قالا.

آراخچین بورما-بورما،
ایچینده ساری خورما.
نامه یازیب گؤندرسم،
اۆچ گۆندن آرتیق دورما.

بو یول گئدیر خالخالا،
یاندی باغریم خال-خالا.
قورخورام گئدم قالام،
نازلی یاریم خالخ آلا.

دردی دردیمه قاتما،
ایلقارین وئر، آلداتما.
قویوب گئدیرم سنی،
منی اغیارا ساتما!

گۆلو بیچدیم اوراقلا،
سردیم یئره پاراقلا.
ایتیرمیشم یاریمی،
آختاریرام سوراقلا.

عزیزیم یانا-یانا،
اود دۆشوب خسته جانا.
یار قویدو گئتدی منی،
اولدوم دلی، دیوانا.

آنا، منه آز آغلا!
قؽش سؽزیلدا، یاز آغلا!
نه واخت یادینا دۆشسم،
آغ کاغیذا یاز، آغلا!

بو دره‌لر یاستانا،
ککلیک دولوب بوستانا.
قورخورام یاغیش یاغا،
قارا پاپاق ایستانا.