بایاتی

داغلار، مئشه‌لی داغلار،
تر بنؤوشه‌لی داغلار.
ندن کؤنلوم آچیلمیر،
سندن آشالی، داغلار؟

اۆستو قونچالی داغلار،
دیبی یونجالی داغلار.
غۆربت ائله گئدنلر،
سیزده دینجه‌لی، داغلار.

هزار پئشه‌لی داغلار،
اۆستو مئشه‌لی داغلار.
غۆربتدن گلن بولود
ندن بئله قان آغلار؟

آ داغلار، قارلی داغلار،
مئیوه‌لی، بارلی داغلار.
یاریما یول گؤسترین،
گؤزل، ایلقارلی داغلار.

داغلار، حارامی داغلار،
طبیب یارامی باغلار.
ال چاتماز، اۆنوم یئتمز،
کسیب آرانی داغلار.

داغلار، آغ باشدی داغلار،
گؤزلری یاشدی داغلار.
یالواریرام، دۆز دئیین،
سیزدن کیم آشدی، داغلار؟

قلبیمین گشتی، داغلار،
درد مندن کئچدی، داغلار.
سن یاتیبسان ناقافیل،
مئهمانین کؤچدو، داغلار.

ائله‌می داشلی داغلار،
چؽنقیللی، داشلی داغلار.
قورخورام یار گلمه‌یه،
گؤز قالا یاشلی، داغلار.

بو داغلار، داشلی داغلار،
چؽنقیللی، داشلی داغلار.
غۆربتده یاری اولان
گؤزلری یاشلی آغلار.

ائله‌می یالقیز آغلار،
سونالار یالقیز آغلار.
کیمسیز، کیمسه‌سیز عاریف،
قالیبدی یالقیز، آغلار.

ائلده تانینی داغلار،
دیلده سانینی داغلار.
ساغلیغیمدا گۆلن یار،
اؤلسم، جانینی داغلار.

کاباب یانار، کؤز آغلار،
دیل آلیشار، سؤز آغلار.
یار یاردان آیری دۆشسه،
اۆرک یانار، گؤز آغلار.

عزیزیم ناشی داغلار،
آغاردیب باشی داغلار.
سوراق سالیب آختاریر
یاری، یولداشی داغلار.

آغاجدا خزل آغلار،
دیبینده گؤزل آغلار.
یاردان آیریلان عاشیق
سرگردان گزر، آغلار.

دار گۆندو، دئدیم، داغلار،
هر دردی یئدیم، داغلار.
یاردان بیر خبر وئرین،
منه رحم ائدین، داغلار.

عزیزینم گۆل آغلار،
گۆل آغلار، بۆلبول آغلار.
بۆلبول گۆلدن کۆسوبدو،
سارالیبدی گۆل، آغلار.

چاتیلیب قاشین، داغلار،
بیلینمیر یاشین، داغلار.
هیجران سنه ده دۆشدو،
آغاردی باشین، داغلار؟

الیمده سازیم آغلار،
باهاریم، یازیم آغلار.
گئتمه‌سم، اؤلدوررلر،
گئدرسم، نازیم آغلار.

سنده وار چاپار، داغلار،
سندن پای چاپار، داغلار.
یاردان سوراغین اولسا،
منی ده آپار، داغلار.

گئجه آغلار، دان آغلار،
بو درده هر یان آغلار.
یار یادیما دۆشنده
دردلی گؤزوم قان آغلار.