بایاتی

او اۆزده آنا گؤردوم،
قولاقدا تانا گؤردوم.
سکسن اوغول، قؽرخ آتا،
یۆز اللی آنا گؤردوم.

آشیق دئیر هر آیلار،
هر هفته‌لر، هر آیلار.
دریادا بیر گۆل بیتیب،
یاندیم دئییب هارایلار.

داغدا دلئیمان گؤردوم،
سودا سلیمان گؤردوم.
یاتار، گؤیشر داش گؤردوم،
دوزسوز بیشمیش آش گؤردوم.

یاشیللار، آی یاشیللار،
دیواردان بویلاشیللار.
بیر هئیأتده یئددی قؽز،
ار اۆسته ساواشیللار.

قوز آغاجین اویارلار،
اۆستونه تئل قویارلار.
واختسیز دوروب آغلاسا،
قولاغینی بورارلار.

بو یول هازارا گئدر،
مئهدی بازارا گئدر.
آتاسی اوتورمامیش،
اوغلو بازارا گئدر.

قاتار-قاتار اوچارلار،
شاهین گؤروب قاچارلار.
گۆندوزلری اوتلاییب،
آخشاملاری اوچارلار.

حاجیلار هاجا گئدر،
جهد ائدر گئجه گئدر.
بیر یومورتا ایچینده
قؽرخ، اللی جۆجه گئدر.

قارا قوچوم یاغلانار،
مئشه‌لرده بوغلانار.
او نئجه قؽفیلدی کی،
آچارسیز دا باغلانار.

او تایدا دورار گئدر،
بوینونو بورار گئدر.
بیر سۆرویه گیرنده
قؽرخینی قؽرار گئدر.

سالخیم-سالخیم ساللانار،
چوخ قالدیقدا باللانار.
گؤیده نردیوان اولسا،
چؽخار، اوردان ساللانار.

باغدا هر نه وار گؤندر،
هئیوا گؤندر، نار گؤندر.
ال دگمه‌میش بوداقدان
دریلمه‌میش بار گؤندر.

سامور کۆرکونو بورار،
دیوار دیبینده دورار.
اوخور، علمین بیتیرر،
قؽزیلدان بیر ائو قورار.

داغلاردا لالا گزر،
الده پیالا گزر.
نه یومورتلار، نه دوغار،
یانینجا بالا گزر.

ایر-اۆیرو بوی آتار،
آیاغی یئره باتار.
سالخیم-سالخیم ساللانار،
آلتیندا ساروان یاتار.

سۆرو بیر وامدا مه‌لر،
ناهاردا، شامدا مه‌لر.
یاخاسیز کؤینک گئین
باجاسیز دامدا مه‌لر.

یاتاندا یومرو یاتار،
الینه درمان قاتار.
کیم ایسته‌سه توتماغا،
تیکانی اله باتار.

عزیزی‌یم آی مه‌لر،
بولود گؤیده آی مه‌لر.
قوچ بیر قوزو گؤروبدو،
سۆد دئییبن آی مه‌لر.

اززی‌یم، اۆچ گۆل آچار،
اۆچ گۆلو مۆشگول آچار.
ایلده اۆچ یول بالالار،
هفته‌ده اۆچ گۆل آچار.

گؤی اۆزونده آی مه‌لر،
بولود آلتدان سای مه‌لر.
بوردا بیر قوچ قوزوم وار،
آجیب، سالار های، مه‌لر.