بایاتی

ائوجیزی گزرم،
دؤرد دؤوره‌سین بزرم.
سنی ائوده گؤرمه‌سم،
قاپینا داش دۆزرم.

عزیزیم یاخشی گلسین،
یاخشی دئ، یاخشی گلسین.
توتوبسان علی فالی،
آخیرین یاخشی گلسین.

تک گۆندو، نسدی، نئینیم؟
اۆرگیم اسدی نئینیم؟
یار اۆرگیم باشینی،
دوغرادی کسدی، نئینیم؟

اۆزرری‌ییم چاتداسین،
یامان گؤزلر پارتداسین.
آغریم، بلام تؤکولسون،
درد اۆستومدن آتداسین.

عزیزی‌یم سینی وار،
قوجالیبدی، سینی وار.
اولموشام یار دلی‌سی،
دئییرلر کی، جینی وار.

عزیزیم قارا نئیلر؟
آی دوغار، قارا نئیلر؟
من کی نظر سالمیشدیم،
بدنزر یارا نئیلر؟

سیز آ داغلار، تیر داغلار،
سیزده واردیر، سیر داغلار.
یاریم سیزدن کئچیبدیر،
سیز اولوبسوز پیر، داغلار.

آشیق اؤزون بیلدیرر،
دئیر، سؤزون بیلدیرر.
منی آغلادان فلک
آخیر بیر گۆن گۆلدورر.

زۆلف تؤکوب اۆزه دیلبر،
چؽخیبدیر دۆزه دیلبر.
دوواق سالین اۆزونه،
گلمه‌سین گؤزه دیلبر.

عاشیق گۆل ایشی قاندیر،
یارین گۆلوشو قاندیر.
دان یئلی زیاد اثر،
سئللر گلیشی قاندیر.

آشیق قوجالار، گزر،
ائلده اوجالار، گزر.
سونسوز اؤلندن سونرا
روحو باجالار گزر.

دومان گلیر، چن یاییر،
هر طرفه تن یاییر.
سن سای اؤز سایدیغینی،
گؤر بیر فلک نه ساییر.

سو گئدر، جوا نئیلر؟
پئیوسته جوا نئیلر؟
یاخشی همدرد عاشیقین
عؤمرونو جاوان ائیلر.

عزیزیم یازی بودو،
باهاری، یازی بودو.
من بونو کیمدن بیلیم،
آلنیمدا یازی بودو.

گۆلو تؤکدوم تاباغا،
قویدوم قالا صاباحا.
یار منی مئهمان ائیلر،
خونچا دۆزر قاباغا.

گؤزوم قالدی او قاشدا،
او کیرپیکده، او قاشدا.
مجنونتک دیوانه‌‌یم،
گزیرم داغدا-داشدا.

سایادا باخ، سایادا،
تورون قوروب قایادا.
تورونا ترلان دۆشوب،
کیمسه‌سی یوخ اویادا.

توووزا باخ، توووزا،
کؤینگی قانوووزا.
سئودیم، آلا بیلمه‌دیم،
قالدی گلن پاییزا.

داغ باشین قار آلاندا،
گۆل دیبین خار آلاندا.
گۆنوم آه-وایلا کئچر
یار یادا یار اولاندا.

توی ائله، گلیم تویا،
قوربانام بئله بویا.
بو گۆن گؤردوگوم یاری
بیر ده گؤرممی اولا؟