بایاتی

داغدا پاییز اولاندا،
ساری سۆنبول سولاندا.
یارا نیشان گؤندرین
اون بئش یاشا دولاندا.

صرّاف سؤزدن سؤز آلا،
سؤزون گرک دۆز آلا.
بیر نازلی یار گؤرموشم،
بوخاق بۆللور، گؤز آلا.

عزیزیم، آری شاندا،
بئچه‌لر آری شاندا.
ملکلر شادلیق ائیلر
ایکی یار باریشاندا.

عزیزیم داغدا لالا،
اوخشور گۆل اۆزده خالا.
دردی، غمی آزالار،
کیم یئتیشسه وۆصالا.

دورما قاپی دالیندا،
گؤزوم قالدی خالیندا.
گئدیم دئییم آناما،
گلیم قالیم یانیندا.

اوغلان ائیله‌دی نالا،
الینده وار پیالا.
مندن یاخشی‌سین گؤردو،
دۆشدو اؤزگه خیالا.

خنجری ایشله، یوللا،
اۆستون گۆموشله، یوللا.
منه بئش آلما گؤندر،
بیرینی دیشله یوللا.

عزیزی‌یم بیر یانا،
بیر آلیشا، بیر یانا.
جامالین مۆشتاغی‌یام،
قویوب گئتمه بیر یانا.

من عاشیق گۆل انداما،
چؽخیبدیر گۆلن داما.
اولام بیر آتلاس کؤینک،
یاراشام گۆل انداما.

کؤنول وئرمه آلانا،
قویما کؤنول تالانا.
یارلا گؤروشوم قالدی
سور تۆته‌یین چالانا.

آغ آلما، قؽزیل آلما،
ایرفه دۆزول، آلما.
یاریم یولدان کئچنده
جرگه‌دن اۆزول آلما.

من عاشیق گۆنباتانا،
آی گئدیر گۆنباتانا.
گؤزله‌ییرم یولونو،
دولان گل گۆن باتانا.

آغ آلما، قؽزیل آلما،
نیمچه‌یه دۆزول آلما.
بیلسه‌یدیم یار گؤندریب،
ساخلاردیم یۆز ایل آلما!

آی گلیر گۆن باتانا،
گئدر ائللر یاتانا.
اگر منی سئویرسن،
ائلچی گؤندر آتاما.

زۆلفو تؤکمه گردانا،
گردان دۆشوبدور قانا.
یار دولانیب باغچادا،
گزیر مرد-مردانا.

جورابیمین آغینا،
گۆل وورموشام باغینا.
اگر منی سئویرسن،
گل قونشونون باغینا.

قؽزیم، قؽزیم، قؽز آنا،
قؽزی وئررم اوزانا.
اوزان آخچا قازانا،
قؽزیم گئیه، بعضاًه.

من عاشیقم حالینا،
اۆزده قوشا خالینا.
لاله، بنؤوشه یئتمز
یارین گۆل جامالینا.

بیر دون آلدیم میانا،
آل-یاشیلا بویانا.
من قالمیشام بو تایدا،
یار گئدیبدیر او یانا.

گۆن قالخار اؤز واختینا،
گئدر چؽخار تاختینا.
نیتین هر نه اولسا،
قیسمت اولار باختینا.