بایاتی

یا محرم وار، یا خام وار،
سال دوواغین، باخان وار.
فلک علی دگمه‌میش،
دئ، بیر هانسی یاخام وار؟

آلچالار، آی آلچالار،
یاشیل چالار، آل چالار.
قبریمی گیزلی قاضین،
دۆشمن گؤرر، ال چالار.

آلتیمدا حصیریم وار،
سالیبسان، حصیریم وار.
هارا قویوب گئدیرسن،
بیر بؤلوک یئسیریم وار.

آغاجدا وار آلچالار،
شاخین ایر آلچالار.
گیزلین آپار مافامی،
نامرد گؤرر، ال چالار.

عزیزیم لاچین آغلار،
سوراقلار لاچین آغلار.
بالاسی اؤلن آنا
چنگه‌لر ساچین، آغلار.

عزیزی‌یم چیل اوولار،
چیل ککلیکلر، چیل اوولار.
اجل گلسه قاچسان دا،
آخیر بیر گۆن جیلوولار.

داغ باشیندا قالا قار،
اریمه‌ییب هله قار.
گل، آچ باغریم باشینی،
گؤر یانمامیش هارا وار؟

من عاشیق قارا باغلار،
باغلانیب قارا باغلار.
بۆلبول اؤلننن سونرا
قؽزیلگول قارا باغلار.

داش زینداندا داش قالار،
سو آخار، یئر یاش قالار.
اوغلو اؤلن آنانین
گؤزلرینده یاش قالار.

گۆل آچماز قارا باغلار،
گؤی باغلار، قارا باغلار.
بالاسی اؤلن آنا
باشینا قارا باغلار.

عزیزی‌یم آنالار،
مرد آدینی آنالار.
ایگید اوغول اؤلنده
نئیله‌یرلر آنالار،

بو باغلار، خارا باغلار،
دؤشنمیش خارا باغلار.
اۆستومده یار آغلاسین،
یاد آغلار، خاراب آغلار.

گؤیدن گئدن سونالار،
بیر-بیرینه یان آلار.
ناله چکر، ساچ یولار
اوغلو اؤلموش آنالار.

عزیزیم غمه باغلار،
بئلینه غمه باغلار.
اؤلوبدور قوجا باغبان،
باتیبدیر غمه باغلار.

کاروان گلر، تای سالار،
ائل-اوبایا سای سالار.
قایا داغدان اوچاندا
داغا-داشا های سالار.

بوخاری قوروم باغلار،
اود یانار، قوروم باغلار.
اوغلو اؤلن آنالار
اوباشدان دورور آغلار.

عزیزینم، یا داغلار!
مرده کؤمک، یا داغلار!
بوردا بیر ایگید اؤلوب،
قوهوم آغلار، یاد آغلار.

بو داغلار ماچین داغلار،
اۆستونده لاچین، داغلار.
اوغلو اؤلن آنانین
دردی وار، قاچین، داغلار.

آی داغلار، جانا داغلار،
باتیبسیز قانا، داغلار.
ایگید گئتدی، گلمه‌دی،
آلیشیب یانا داغلار.

آ داغلار، کهر داغلار،
اۆستونوز یهر داغلار.
آنالارین دردینه،
دؤزون بیرتهر، داغلار.