بایاتی

قؽزدیرما توتدو منی،
توتدو، قوروتدو منی.
او کی سؤز وئردی، گئتدی،
نه تئز اونوتدو منی؟

باغچاسی گۆل عنبری،
بول اولسون گۆل عنبری.
نه ظالیم جانیم آلدی،
نه قویدو گۆلم باری.

دریالار توتدو منی،
ناققالار اوددو منی.
فلک بیر ایش ایشله‌دی،
یار دا اونوتدو منی.

قارشیدا گۆل عنبری،
درمیشم گۆلنبری.
هیجران قویماز گؤز آچام،
درد قویماز گۆلم باری.

اکیدیم آرپا، سنی،
آت گله قؽرپا سنی.
بیلسه‌یدیم وفان بودور،
چکردیم برکه سنی.

باغدادین گدیکلری،
خورمادی یئدیکلری.
منی درده سالماقدی
فلکین دئدیکلری.

بیشیریم آشیم سنی،
تؤکوم قان یاشیم، سنی.
گؤتوروم هارا گئدیم،
بلالی باشیم، سنی؟

داغلارین گؤی سینه‌سی،
گؤی چمن، گؤی سینه‌سی.
یاری غفلت آپاردی،
آچیلدی گؤیسی نسی.

گئیمیسن پرسنگینی،
گئی، ساللان پرسنگینی.
دئسم داغلار گؤتورمز
دردیمین پرسنگینی.

عاشیقین هه کیمسه‌سی،
هه کیمی، هه کیمسه‌سی.
یارالاریم قؤور ائتدی،
ائشیتدی حکیم سسی.

داغ یئریدی، دۆز یئری،
یولچو، یولون دۆز یئری!
یؽخدیلار آتام ائوین،
قالدی، ایندی دۆز، یئری.

من عاشیق کاشان ایشی،
هیند ایشی، کاشان ایشی.
دۆشمن دۆشمنه توتماز،
سن منه توتان ایشی.

آددادیق دۆشن یئری،
زۆلف اۆزه دۆشن یئری.
گؤز یاشیم اودا دؤنوب،
یاندیریر دۆشن یئری.

ائله‌می آی قاباغی،
بولوددو آی قاباغی.
اۆزو گۆلمز یئتیمین،
آچیلماز آی قاباغی.

اود یاخیر بو شن یئری،
یار گلیب دۆشن یئری.
دوستومون گؤز یاشلاری
یاندیریر دۆشن یئری.

عاشیقم قارا داغی،
گنجه‌نین قاراداغی.
سینه‌مین اۆسته چکدین
الیف تک قارا داغی.

ناخچیوانین دوز داغی،
دوز تپه‌سی، دوز داغی.
چکدی یار سینه‌م اۆسته
داغ اۆستوندن یۆز داغی.

ائله‌می دم باغلادی،
اود یاندی، دم باغلادی.
دیلبیلمزین بیر سؤزو
سینه‌مده غم باغلادی.

شیروانین یاستی داغی،
سو گلدی باسدی داغی
گئدیردیم یار یانینا،
یاغیلار کسدی داغی.

یارمی درددن آغلادی،
سولار کیمی چاغلادی.
ایسته‌دیم بیر سؤز دئیم،
دیلیم-آغزیم باغلادی.