منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
نه یاتمیسان، اویان گۆل،
بو یان باغچا، او یان گۆل.
من غریبه رحم ائله،
بۆلبولوندن دویان گۆل!
یازی یازا بیلمیرم،
قارا پوزا بیلمیرم.
وطن اوردا، من بوردا،
آیری دؤزه بیلمیرم.
عشق اودونا قالاننام،
یار باشینا دولاننام.
وطندن آیری دۆشسم،
ویران اوللام، تالاننام.
سو گلسه سئل بیلردیم،
مئه اسسه یئل بیلردیم.
داغدا بیر اوبا سالسان،
من سنی ائل بیلردیم.
غریبهم، یوخدو آرخام،
قانادیم یوخدو قالخام.
چؽخام قلبی داغلارا،
بیر وطن ساری باخام.
غۆربتده جانا یئتدیم،
تنگ اولوب، سانا یئتدیم.
وطنه دؤنن گۆنو
دینه، ایمانا یئتدیم.
زرلییم، زرد اولموشام،
غۆصّهدن درد اولموشام.
غۆربته گلن گۆندن
بیابانگرد اولموشام.
تبریزیم، جان تبریزیم،
سنه قوربان، تبریزیم.
دۆشمنه بویون ایمه،
مرد اول، دایان، تبریزیم.
دولاننام، دۆزه گللم،
سۆرمه چک گؤزه، گللم.
غریب، غۆربت اؤلکهدن
قورتارسام، سیزه گللم.
عزیزیم آرخا دولاندیم،
ایپ تک چارخا دولاندیم.
غریب اوغلان، یاد اؤلکه،
قورخا-قورخا دولاندیم.
من عاشیق سسه گللم،
نوایا، سسه گللم.
یاد ائلدن قاچا بیلسم،
یوللاری کسه گللم.
عاراقچینی یان قویدوم،
ایچینه بیان قویدوم.
وطنه کج باخانین
اۆرگینده قان قویدوم.
روم منم، ایراق منم،
بو یانان چؽراق منم.
قول تک ائللره دۆشدوم،
وطندن ایراق منم.
هیجرانا دۆشدو یولوم،
یاغیدیر ساغیم-سولوم.
وطندن آیری دۆشدوم،
بوخوولانیبدی قولوم.
داغلاردا گزن منم،
عهدیم وار بعضاًمنم.
آغیر ائلین قؽزییام،
غۆربتده گزممنم.
سو ایچرم چاناخدان،
بال سۆزولر دوداخدان.
نئینیم، گله بیلمیرم،
سلامیم وار اوزاخدان.
سو دولدوردوم من آرخدان،
دۆشدوم الدن-آیاخدان.
عؤمروم غۆربتده کئچیر،
قادان آلیم اوزاخدان.
سوناسان، نازپریسن،
دولان گل، آز، بری سن.
غۆربتده جان وئرسم ده،
دیلیمین ازبریسن.
غریبهم، قلبیم دومان،
دیلیمدن دۆشمز آمان.
من دۆشموشم، گؤرموشم،
سن دۆشمه، غۆربت یامان.
بوردا یولوم اولدو تن،
وارمی بو یولدان اؤتن؟
بو دۆنیادا شیرین شئی،
بیر آنادیر، بیر وطن.
«
‹
2
3
4
5
6
›
»