منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
دون تیکسن، آغی بیزدن،
بئلینین باغی بیزدن.
قویمایین یاد ائللینی،
آلماغا باغی بیزدن.
سنین آلا گؤزلرین،
بیر اود سالا گؤزلرین.
قورخورام غریب اؤلهم،
باخا قالا گؤزلرین.
چوخانین آغی بیزدن،
بئلینین باغی بیزدن.
دۆشمن گلیب یورد سالسا،
آلار خوش چاغی بیزدن.
قولوندا وار قوّتین،
آرزوم وار اولسون متین.
ائل یولوندا باش قویان،
قازانار ائل حؤرمتین.
ائلهمی، تاغی بیزدن،
ائیوانین تاغی بیزدن.
یاغیلار باسقین ائتسه،
آلارلار باغی بیزدن.
عزیزیم، اگر باشین،
یاستیغا دگر باشین.
باشینی قووزا، غریب،
گلدی سنین قارداشین.
عزیزیم سؤز دئمکدن،
هئچ دویمور سؤز دئمکدن.
جانیم مؤحنتده کئچدی،
یار دئییب گؤزلهمکدن.
عزیزیم اوو سسی وار،
داغلاردا اوو سسی وار.
غریبین نه قوهومو،
نه ده بیر کیمسهسی وار.
عزیزییم چکمکدن،
قلیان آلیب چکمکدن.
قدّیم کامانا دؤندو،
غۆربت دردی چکمکدن.
داغلاردا مارالیم وار،
اۆرگی یارالیم وار.
غریبلییه دۆشموشم،
گؤزلرم، قرالیم وار.
گز دولان بو داغ ایلن،
گۆلو در بوداق ایلن.
قاننیم یاد ائللیلردی،
من اؤلسم بو داغ ایلن.
سوراغین آلدیغیم یار،
من یولا سالدیغیم یار.
اۆرگیمده اود سالیر،
غۆربتده قالدیغیم، یار.
مایا گئتسه، نر قالار،
آرواد اؤلسه، ار قالار،
یاد ائللرده غریبی
درد اۆستوندن درد آلار.
آی دؤنوب ایله، داغلار،
گلیبدیر دیله داغلار.
بۆلبول قونوب اوخویور،
بۆرونوب گۆله داغلار.
عزیزییم، باج آلار،
مرد رقیبدن باج آلار.
هر کسی ائل ایستهسه،
بۆلند اولار، اوجالار.
گۆن گئدیر ایله، داغلار،
گلیبدیر دیله داغلار.
بۆلبول کیمی های سالیب،
دؤنوب بۆلبوله داغلار.
یار باشا قارا باغلار،
اۆرگین یارا باغلار.
وطندن آیری دۆشسه،
اۆمیدین هارا باغلار؟
عزیزیم دره داغلار،
دۆز باغلار، دره داغلار.
ککلیک، توراج اوتلاغی،
مارالا بره داغلار.
بولاق باشی بوز باغلار،
دؤرد یانی یارپیز باغلار.
غۆربت ائلده اۆرگیم
درددن، غمنن کؤز باغلار.
بو داغلار قلبی داغلار،
بوی آتیب قلبی داغلار.
گۆنو خوش کئچمهینده،
آه چکر قلبی داغلار.
«
‹
3
4
5
6
7
›
»