منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
یار گۆلو تئله باغلار،
کمرین بئله باغلار.
بۆلبول اوخور، گۆل آچار،
یاشاسین بئله باغلار!
اۆستو مئشهلی داغلار،
هزار پئشهلی داغلار.
ائل قوینوندا یورد سالیر،
گۆل بنؤوشهلی داغلار.
بو داغلار قوشا داغلار،
وئریب باش-باشا داغلار.
یاریم سنده گزیبدیر،
سنی یۆز یاشا داغلار!
عزیزیم داشدی داغلار،
چؽنقیللی، داشدی داغلار.
سن یاتیبسان نقافیل،
مئهمانین کؤچدو، داغلار.
رۆبند چک اۆزه، داغلار،
کؤلگه سال دۆزه، داغلار.
ائل سینهنده یورد سالسین،
گلمهسین گؤزه داغلار.
باشی آغ قارلی داغلار،
یازلی، باهارلی داغلار.
یارلا چؽخیم سینهنه،
عهده ایلقارلی داغلار.
رۆبند توت اۆزه، داغلار،
گلمهسین گؤزه داغلار،
اووچو ککلیگین قووسون،
داغیتسین دۆزه، داغلار.
آغاردیب یالی داغلار،
گۆل آچیب سالی باغلار.
غریب اؤز بالاسینی،
چؤللره سالیب آغلار.
بو داغلار یاستی داغلار،
قار اۆستون باسدی، داغلار.
اۆچ آی تویلو، بایراملی،
دوققوز آی یاسلی داغلار.
من عاشیق کیم دۆشورر،
کیم دۆزر، کیم دۆشورر،
غۆربتلیکده اؤلنی،
قبیره کیم دۆشورر.
ائلهمی بویان داغلار،
آل-یاشیل بویان داغلار.
سنه پناه گتیردیم،
یاتیبسان اویان، داغلار.
دورنا سانیننان کئچر،
اؤتر، سانیننان کئچر.
ایگید وطن یولوندا،
اؤلر، جانیننان کئچر.
عزیزیم نازیم داغلار،
باهاریم، یازیم داغلار.
اوجالیر سینهن اۆسته،
صؤحبتیم، سازیم داغلار.
عزیزیم بیر-بیر دۆشر،
اوخ یایدان بیر-بیر دۆشر.
غۆربتده کئچن گۆنلر
عؤموردن بیر-بیر دۆشر.
آغلایارلار، گۆلللر،
گؤز یاشینی سیلللر.
کؤچن یوردون قدرینی،
دۆشن یورددا بیلللر.
چای دئییلم آخیم بیر،
داغ-داشی یاخیم بیر.
قانادیم یوخ اوجالیم،
وطن ساری باخیم بیر.
الینده نلبهکیلر،
توتوبدو نلبهکیلر.
آچین قالا قاپیسین
گلسین صفردهکیلر.
کئچمه، آراز دریندیر،
ایچمه سویون، سریندیر.
حسرت باخان بو ائللر،
سنین ده ائللریندیر.
چن، دومان دۆزه نئیلر؟
زۆلفون تؤک اۆزه، نئیلر؟
اوو بیزیم، اوولاق بیزیم،
یاد اووچو بیزه نئیلر؟
ایستکانین قانلیدیر،
ال وورما، درمانلیدیر.
یوردومو خبر آلسان،
اصلیم گیردیمانلیدیر.
«
‹
4
5
6
7
8
›
»