منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
ایگید گرک آتلانا،
آتین مینه، آتلانا.
مرد اودور کی، دؤیوشده.
هر یارایا قاتلانا.
ایگید پاشا، سای پاشا،
سنه یوخدور تای، پاشا.
کوروغلو بیر گلیبدی،
بیر ده گلسه، وای، پاشا.
آلماز اۆزوک، دار بارماق،
مورادیم سنی آلماق.
هر ایگید کاری دئییل
یاردان یادیگار آلماق.
بو سازی آلان گلمز،
اوخویوب-چالان گلمز.
ایگیدی اؤلدورهلر،
دیلینه یالان گلمز.
قارشیدا داغی مۆشتاق،
سینهمده داغیمیش، داغ.
بیزه مۆشتاق اولانا
بیز اوندان داغی مۆشتاق.
آختاردین یول بئلهدی،
سۆر آتین، یول بئلهدی.
دوستلار ایلقارلی اولسا،
نه گرک یول بلهدی.
عزیزیم دردی منده،
درمانین دردی منده.
نامرد آغاسی اولمام،
قول اوللام دردیمنده.
دؤورانین گشتی گئتدی،
اوخ تکی کئچدی گئتدی.
مردلر بیر بولاق قازدی،
نامردلر ایچدی گئتدی.
گؤرونور گؤزه تکله،
بو درده دؤزه تکله.
نامردین رحمی اولماز،
یۆز یالوار، یۆز اتکله.
ائل کؤچر داغا گلی،
بۆلبوللر باغا گلی.
نامردین قایداسیدی،
جان وئرن چاغا گلی.
اززییم او لنگینه،
ایگیدین او لنگینه،
خاین دوست، قاری دۆشمن،
گؤز دیکر اؤلن گۆنه.
لعل ایچیندن اۆز لعلی،
صرّاف کیمی دۆز لعلی.
نامرد گلیب مرد اولماز،
یۆز سؽزیلدا، یۆز لعلی.
اوتورموشام داش اۆسته،
پاپاق دورار قاش اۆسته.
سن دۆشمنی نیشان وئر،
ناللاماغی باش اۆسته.
بیر ائو تیکدیم دگیرمی،
دیرکلری ایگیرمی.
نامرد، هارا گئدیرسن؟
بو یورد سنین دئییلمی؟
گئدرسن اؤزو قویماز،
دینرسن سؤزو قویماز،
کاسیب وار-یوخون وئرسه،
آغانین گؤزو دویماز.
سالما بو درده منی،
یار گؤرسون بیر ده منی.
نامرده مؤحتاج ائتمه،
کس قوربان مرده منی.
اززینم کاساد اولماز،
مرد علی کاساد اولماز.
یۆز نامردین چؤرگین،
دوغراسان، کاسا دولماز.
سالما بو درده منی،
وئرمه نامرده منی.
قورتار نامرد الیننن،
یئتیر بیر مرده منی.
غم ساریب، ندی منی؟
درد-غۆصّه یئدی منی.
نامرد دوستا سؤز دئدیم،
جار چکدی، دئدی منی.
دریالار توتدو منی،
ناققالار اوددو منی.
عزیز، ایستکلی دوستوم،
نه تئز اونوتدو منی؟
«
‹
6
7
8
9
10
›
»