منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
اینجیدن بگدی منی،
سارالدان نئیدی منی.
دوست بیلیب کؤنول وئردیم،
بد یئرده اگدی منی.
گؤیده اولدوز ناشیدی،
کیم اولدوزون یاشیدی؟
ایگیده ائللر قوربان،
ایگید اۆرک باشیدی.
داغلار داغلادی منی،
زۆلفون باغلادی منی.
مرد یولوندا جان قویدوم،
ائللر آغلادی منی.
عزیزیم اوی ناشیدی،
داغلاردا اوی ناشیدی.
گؤروشوروک خلوتده،
دئییرلر اویناشیدی.
یاندیریب-یاخدی منی،
داغ-داشا چاخدی منی.
مرد بیلیب آرخالاندیم،
نامردتک یؽخدی منی.
قلبیمین هووون آلدی،
گؤزومون تووون آلدی.
کپزدن قالخدی ترلان،
مورویدان اووون آلدی.
دونو تیک، اۆز علمهنی،
شانه تک دۆز علمهنی.
وفالی دوست یاد اولماز،
گؤرمهیه یۆز ایل منی.
سؤز سؤزه مهریباندی،
قاش گؤزه مهریباندی.
او کی دۆشمانا دوستدو،
نؤش بیزه مهریباندی؟
قورخوتمور بو قار منی،
هر یاپالاق، سار منی.
من اوندان دا قوچاغام،
هئچ آتارمی یار منی؟
عزیزییم آسلاندی،
قؽلینج قؽندان آسلاندی.
تۆلکودن آسلان اولماز،
آسلان ائله آسلاندی.
او کیمدیر آتار منی؟
هر درده قاتار منی؟
نامرد گلیب دوست اولماز،
دوستلوقدا ساتار منی؟
عزیزییم آی باتدی،
اولدوز باتدی، آی باتدی.
یاریم بیوفا چؽخدی،
منی اغیارا ساتدی.
قاشلارین ایر منی،
گؤزلرین یئیر منی.
من دوستلوقدا مؤحکمم،
تانیسان اگر منی؟
من عاشیق خوشا دالی،
خوش اۆزلو، خوش ادالی.
مرد ایگیدده قایدادی،
مئیداندا خوش آد آلی.
داغ باشین چن آلارمی؟
آلسا، کؤلگه سالارمی؟
بیر مظلومون قیصاصی
بیر نامردده قالارمی؟
اووچویام،تکلهدنم،
تک ائولی تکلهدنم.
آرازبار ترلانییام،
سونالار تکلهدنم.
سالخیمی اۆزمه، باری،
نیمچهیه دۆزمه، باری.
آشنالیغی اۆزموسن،
دوستلوغو اۆزمه، باری.
من فلکی دیندیردیم،
بیلمهدیگین بیلدیردیم.
دوستا یازان قلمین
آلیب الدن سؽندیردیم.
عزیزینم دین باری،
دانیش باری، دین باری.
ایگیده تاب گتیرمز
یاغی تیکن مین باری.
خار قونوب باغا، دوستوم،
بوستانا، تاغا، دوستوم.
قوچوم یوخ قوربان کسم،
جانیم صاداقا، دوستوم.
«
‹
7
8
9
10
11
›
»