بایاتی

بو داغلار کؤموردندیر،
کئچن گۆن عؤموردندیر.
فلکین بیر قوشو وار،
جایناغی دمیردندیر.

اۆلکر آیدان اوجادیر،
نه آیدینلیق گئجه‌دیر.
منیم حالیم پیس کئچیر،
سنین حالین نئجه‌دیر؟

بو خبر نه خبردیر؟
یارام قبر-قبردیر.
بیر یانیم کؤچوب گئدیب،
بیر یانیم بیخبردیر.

اززیم اودا سالیبدیر،
اؤزون اودا سالیبدیر.
من یارا نئیله‌دیم کی،
گؤزدن او دا سالیبدیر؟

عزیزی‌یم سان وئریر،
آچما، یارام قان وئریر.
چؤللرده گزن مجنون
لئیلی دئییب جان وئریر.

گئیدیگین آرخالیقدیر،
حامدن آرخالیقدیر.
هیجران اگدی عاشیقی،
بو نئجه آرخالیقدیر؟

شام یانیر، یاغدا اریر،
قار یاغیر، داغدا اریر.
من دۆشن درده دۆشسه،
موم اولور، داغ دا اریر.

داغلارین وای قاریدیر،
فرهادی وای قاریدیر.
عاشیق دئر قاریمازدیم،
منی بو وای قاریدیر.

عزیزیم داغ باشیدیر،
داغ اۆستو، داغ باشیدیر.
قالادا بیر توی توتدوم،
شاباشی گؤز یاشیدیر.

بو گئدن یاخشی جاندیر،
سیرّین وئرمه، آماندیر.
منیم بی‌وفا یاریم
گؤر کیمه مهریباندیر!

ذلیلی، یارا قاندیر،
تیر باغریم یاراقاندیر.
آتما غمزه‌ن خدنگین،
دگمه‌سین، یارا قاندیر.

قاشلارین قلمگاهدیر،
ایمه اونو گۆناهدیر.
لنکران دومان اولسا،
بیل کی، من چکن آهدیر.

عزیزی‌یم، نه قاندیر،
گؤزدن آخان نه قاندیر؟
داش دئییل، کسک دئییل،
رحم ائیله، بو کی جاندیر.

صیّاددا غمه حاضیر،
اوو حاضیر، غمه حاضیر.
گؤر نه گۆنه قالمیشیق،
للک ده قانون یازیر.

داغدا بو نه فغاندیر؟
گلن بولود یاغاندیر.
گئدک دردلی یانینا،
گؤرک کیم آغلاغاندیر؟

یاغیش گلیر، دایانمیر،
یار غفلتدن اویانمیر.
ایکیمیز ده اودداییق،
من یانیرام، او یانمیر.

قلبی قارا قازاندیر،
دیلیم عرضه یازاندیر.
فلکه بئل باغلاما،
فلک پرگار پوزاندیر.

دومان داغا یوللانیر،
داغدان داغا یوللانیر.
من گؤر بیر نه دردده‌یم،
یار گؤر بیر نه ساللانیر.

پاییز گلیب خزاندیر،
خزان پرگار پوزاندیر.
اۆرکده بیر دردیم وار،
ائل-اوبایا یاز، آندیر.

بو گئدن جان آپاریر،
دۆز یولو یان آپاریر.
آچ زۆلفون یارام باغلا،
آماندی، قان آپاریر.