بایاتی

داغ دؤشونده چیل اوولار،
چیل ککلیکلر، چیل اوولار.
یار اللری نازیکدیر،
اینجیتمه‌یین، جیلوولار.

بو یول کشانا گئدر،
آشار کشانا گئدر.
سنین بو یارالارین
یارا نیشانا گئدر.

چیمدیم گنجه چاییندا،
باهاریندا، یاییندا.
من آزادلیق قوشویام،
دۆشمن جانین هاییندا.

باغچامیزدا گۆل بیتدی،
لاله بیتدی، گۆل بیتدی.
وطنده بیر باغ سالدیق،
هر نه اکدیک، گۆل بیتدی.

آشیق دولاق آلتینا،
ساری دولاق آلتینا.
صۆلح بایراق تک اوجالسین،
بیز ده دولاق آلتینا.

عزیزیم بعضاً یئری،
گئی ساللان، بعضاً یئری.
درد غۆصّه آلا بیلمز،
آزادلیق گزن یئری.

یول اۆسته بولاق اوللوق،
ائللره سوراق اوللوق.
کیم بیزه بئل باغلاسا،
اوندان گؤز قولاق اوللوق.

باغیمدا گۆللر گؤزل،
اوخور بۆلبوللر گؤزل،
آزادلیق دۆنیاسیندا
عؤمورلر، گۆنلر گؤزل.

آران بیزده، داغ بیزده،
کئف بیزده، داماغ بیزده.
اکیریک، بئجریریک،
سو بیزده، تورپاق بیزده.

بادا بۆلبوله باخدیم،
سئویندیم، گۆله باخدیم.
دؤنوب شئیدا بۆلبوله،
قونوبدور گۆله باختیم.

بو یوللار بوز باغلاماز،
نامردلر سیر ساخلاماز!
حقیقتین طمعلی
یۆز ترپتسن لاخلاماز.

آل قلم، یاز، آ باختیم،
آچیلمیش تزه باختیم.
محو اولوب کؤهنه دۆنیا،
چؽخیبدیر یازا باختیم.

دوست دوست ایله قاج اولماز،
بیر تیکه‌یله آج اولماز.
زحمت سئون، ایش گؤرن
اؤزگه‌یه مؤحتاج اولماز.

قارشیمیزدا بو دؤران،
بو زامانا، بو دؤران.
گلین، قدرینی بیلک،
دۆشمز اله بو دؤران.

عزیزی‌یم، قوشام من،
داغلارا قونموشام من.
ائللره گؤز اولماغا،
کئشیکده دورموشام من.

نه گؤزل ائللریم وار،
اؤردکلی گؤللریم وار.
شیروان، موغان دۆزونده
محصوللو چؤللریم وار.

یاغیلار قان ایچمه‌سین،
بو یئرلردن کئچمه‌سین.
اکدیییمیز گۆللری،
دۆشمن علی بیچمه‌سین.

من عاشیق بئله باغلار،
کمرین بئله باغلار.
گۆل آچیب، بۆلبول اوخور،
وار اولسون بئله باغلار.

آشیق سؤزه گلمه‌سین،
جئیران دۆزه گلمه‌سین.
گئتسین قارا بولودلار،
بیر ده بیزه گلمه‌سین.

داغلار، آرالی داغلار،
قلبی یارالی داغلار.
قوینوندا یادلار گؤرسم،
رنگیم سارالی، داغلار.