بایاتی

داغ باشیندا قار قالا،
دومان کئچه، تار قالا.
بیر آرزوم وار اۆرکده،
من اؤلسم ده، یار قالا.

داغلاردا گزدیم لالا،
گؤزوم دگدی هیلالا.
یارا قوربان کسرم،
بیر گئجه مئهمان قالا.

یول اؤتدوم، چؽخدیم یالا،
ناحقدان دۆشدوم قالا.
اگیل اۆزوندن اؤپوم،
جاندان چؽخسین درد-بلا.

من عاشیق گۆلنداما،
چؽخیبدی گۆلن داما.
اولام بیر خارا کؤینک،
یاراشام گۆل انداما.

من عاشیق آی جامالا،
یار الدن، آی، جام آلا.
گؤتور اۆزدن رۆبندین،
باخیم بیر آی جامالا.

داغلار باشی دولاما،
بگلر گئدر سلاما.
یار اؤزو بوستانچیدی،
مندن ایستر شاماما.

اووچو، مارالی قویما،
گؤزون قارالی، قویما.
منیم جانیم مارالدی،
اؤلدور، یارالی قویما.

یول دۆشدو ها موغانا،
سن ده گل ها موغانا.
شانا بیر موی اۆزوبدو،
دۆشموشوک هامی قانا.

اۆرگیم باشین اویما،
ساخلا، مارالی سویمه.
اوخون سینه‌مده قالدی،
اؤلدور، یارالی قویما.

ساماوار یانا-یانا،
اود دۆشوب شیرین جانا.
دانیشیرام کاغیذنان،
دیل قالیر یانا-یانا.

تاباقدا یاریم آلما،
قالیبدی یاریم آلما.
آلیرسان جانیمی آل،
الیمدن یاریم آلما.

باغچامیزدا میانا،
گۆل سۆنبوله دایانا.
اوخو، بۆلبولوم، اوخو،
بلکه یاریم اویانا.

الیمده یاریم آلما،
یئمه‌لی یاریم آلما.
دئدیم کی، قانلی فلک،
جانیم آل یاریم آلما.

باغچامیزدا میانا،
گۆل یاسدیغا بویانا.
اوخورام عشق آیه‌سین،
یار غفلتدن اویانا.

گل منی بنده آتما،
خویدان مرنده آتما.
هامی اۆز دؤندریبدی،
رحم ائله، سن ده آتما.

ایکی قویو یان-یانا،
الیمه یاخدیم هانا.
سنه سۆد وئرن آنا،
اولسون منه قاینانا.

گۆن چؽخیبدی یولوما،
کمر باغلا بئلیمه.
قؽز، سنین آغ ممه‌نی
آلایدیم ساغ الیمه.

من عاشیق، بیر جانانا،
بیر جانا، بیر جانانا.
هر یئته‌نه جان وئرمه،
جانی وئر بیر جانانا.

عزیزیم نردیوانا،
آیاق قوی نردیوانا.
یار قدرینی یار بیلر،
نه بیلر هر دیوانا.

کوتانا باخ، کوتانا،
کوتان ماجی توتانا.
منیم یازیغیم گلیر
گئجه یالقیز یاتانا.