بایاتی

آخشام نه، سحر ندی؟
یار ندی، قهر ندی؟
آلا گؤزون یانیندا
دۆرر ندی، گؤهر ندی؟

ائله‌می دان یئریدی،
گؤرونن دان یئریدی.
ایکی ممن آراسی
یاتماغا جان یئریدی.

عزیزی‌یم اینجیدی،
میرواریدی، اینجیدی.
من یارا نه دئدیم کی،
کۆسدو مندن، اینجیدی.

مارالیم داشا گلدی،
یولونو چاشا گلدی.
ال آتدیم یار قوینونا،
بیر جۆت نار قوشا گلدی.

اوخ آتدیم داغا دگدی،
سولومدان ساغا دگدی.
من یارا نه دئدیم کی،
کۆسدو مندن، اینجیدی.

یان دورون، آشیق گلدی،
ائله یاراشیق گلدی.
یئل ووروب سینه‌ن آچدی،
گؤزومه ایشیق گلدی.

اوخ آتدیم داغا دگدی،
سولوننان ساغا دگدی.
گؤز گؤز ایله توش اولدو،
دوداق دوداغا دگدی.

آی دوغدو، گئجه گلدی،
سوروشما نئجه گلدی.
یاری گئجه گؤزله‌دیم،
گۆندوزو بئجه گلدی.

ائله‌می یارا دگدی،
دگمه‌دیم، یارا دگدی.
دیلیم آغزیم قوروسون،
نه دئدیم یارا، دگدی؟

بو آی هانسی فسیلدی؟
چایین سویو کسیلدی.
پئیمانیندان دؤنمه‌دی،
نجابتی اصیلدی.

باغیندا قورا دگدی،
یئمه‌لی قورا دگدی.
کسرم، دیلیم سنی،
نه دئدین یارا دگدی؟

باغدا گۆللر بیچیلدی،
بیر-بیریندن سئچیلدی.
بیرجه یول سنی گؤردوم،
توتقون کؤنلوم آچیلدی.

عزیزیم اۆزوم دگدی،
باغیندا اۆزوم دگدی.
قیامت قوپمادی کی،
اۆزونه اۆزوم دگدی.

من عاشیقم هشمدی،
زۆلف اۆزونده هشمدی.
قاراباغ ترلانی‌یام،
سونا آلماق پئشمدی.

باغیمدا گیلاس دگدی،
گۆل آچدی، گیلاس دگدی.
یار الیندن اوخ چؽخدی،
سینه‌م اۆسته راست دگدی.

آغاجدان گؤزل ائندی،
دیبینه خزل ائندی.
بیر اؤپدوم، بیر دیشله‌دیم،
دیشیمه نظر ائندی.

داغدا مارال ایکییدی،
ایکی مارال تکئیدی.
کاش کی من سو اولایدیم،
سو قؽزلارین یۆکی‌یدی.

آشیق دولاندی بندی،
گزدی ماحالی، کندی.
لبلریندن کام آلان
نئیلر شکری، قندی؟

دیشلرین اینجیدندی،
دۆردندی، اینجیدندی.
اؤزون عجب گؤزلسن،
دیلین جان اینجیدندی.

اۆزونده خال کیمیندی؟
باشیندا شال کیمیندی؟
لبلرین شهد-شکر،
دهانین بال کیمیندی.