بایاتی

آپاردی بوز آت منی،
ساخلادی سیاد منی.
باش قویوم دیزین اۆسته،
چوخ یاتسام اویات منی.

من عاشیق سین-سینی،
دولور وئر سین-سینی.
منه اؤز یاریم گرک،
نئیلرم اؤزگه‌سینی؟

عاشیقم اؤز سمتینی،
زۆلف بولور اؤز سمتینی.
وفالی یار یاد اولماز،
گؤرمه‌سه اؤز سمتینی.

یارین آلا گؤزلری،
شوخ پیالا گؤزلری.
آخیردا سالدی منی
قالماقالا گؤزلری.

عزیزیم دالدا یئری،
یئل توتماز دالدا یئری.
ایکی کؤنول بیر اولسا،
تئز تاپار دالدا یئری.

شیروانین کۆچه‌لری،
بانلاییر بئچه‌لری.
چاغیردیم اؤز یاریمی،
های وئردی نئچه‌لری.

بو یئرلر قالا یئری،
بۆرج یئری، قالا یئری.
قورخورام باغا گلسم،
ایز سلام، قالا یئری.

آیاغیندا چکمه‌سی،
قؽزیلداندی دۆیمه‌سی.
هئیوایا، نارا بنزر،
قوینونداکی مئیوه‌سی.

یئری، دام اۆسته یئری،
قؽزیل جام اۆسته یئری.
آیاقلارین اینجیسه،
چؽخ، سینه‌م اۆسته یئری.

عاشیقین صندلی‌سی،
گؤزلرین سن دلی‌سی.
سئودیگیم زۆلفلریندن،
گلیر سندل ایگیسی.

اززی‌یم خال-خال یئری،
گؤرونن خال-خال یئری.
اؤپیدیم آغ اۆزوندن،
قالایدی خال-خال یئری.

قورشاندوق بو سداغی،
اووچولار بولسا داغی.
بیر اوخ بسدیر عاشیقه،
نه تؤکدون بو سداغی.

عزیزی‌یم ائن بری،
دولان داغدان، ائن بری.
لبلرین گؤرن نئیلر،
گؤره بیر ده عنبری.

اززی‌یم، گنجه باغی،
گۆل آچیب گنجه باغی.
آلیب تیفلیس گؤزه‌لی،
گزه‌سن گنجه باغی.

الده تزه نۆبری،
توتموش تزه نۆبری.
جنّت کیمی قوینونون
چؽخمیش تزه نۆبری.

عزیزیم گزر باغی،
دوست گلیب گزر باغی.
محبّت بیر دسته گۆل،
آچیلیب بزر باغی.

عزیزیم هیل قدری،
قاشلارین میل قدری.
هر صاباح بویون گؤرسم،
آچیللام گۆل قدری.

بۆلبوللر سۆزر باغی،
یار گلر گزر باغی.
جامالین گۆل-قونچاسی،
آچیلسا بزر باغی.

من عاشیق گۆل بوداغی،
توتوبدو گۆل بو داغی.
منی دردین اییبدی،
نئجه کی گۆل بوداغی.

قارشیمیزدا او تاغی،
اوستا چکیب او تاغی.
عاشیقه جنّت ائوی
اؤز یاری‌نین اوتاغی.