بایاتی

چای داشدی، جان آپاردی،
یاییندی، یان آپاردی.
آچ زۆلفون، باغلا یارام،
آماندی، قان آپاردی.

یولون داغلی، قایالی،
هر ایشدن اولدوم حالی.
نه داغدان قار عکسیلر،
نه مندن یار خیالی.

مرد سؤزو سؤزدن آلی،
آت قاچار، گؤزده نالی.
ماهیر اووچو اوولاقدا
نیشانی گؤزدن آلی.

یار گلیر یولو داشلی،
یاخاسی زر ناخیشلی.
آلدی الدن آغلیمی،
گئدر خومار باخیشلی.

داغلار باشین قار آلی،
دومان، چیسکین قار آلی.
جانان جانا اود سالدی،
نه یانار، نه قارالی.

آرخالیغین بادامی،
گۆن یاندیرار آدامی.
ازلی اؤزوم قوربان،
سونرا کندین آدامی.

اووچو گزر مارالی،
مارال دورار آرالی.
من سنینم، سن منیم،
گؤزلریمین قارالی.

عزیزیم اودا دامی،
او باغی، او دا دامی.
ائله کی سن یاندیردین،
یاندیرماز اود آدامی.

هارالیسان، هارالی؟
گؤزلریمین قارالی.
بوردا بیر یار سئومیشم،
بیزیم ائلین مارالی.

اززیم داغ، داغ آدامی،
دۆگون، داغ، داغ آدامی.
یارا مئییل یاخشیدی،
ائیلر داغ داغ آدامی.

قوربان منزیل اوخ آلی،
دؤشنیبدی او خالی.
زۆلفون عجب خایندی،
گیزله‌ییبدی او خالی.

عزیزی‌یم یارامی،
سؽزیلداتما یارامی.
قوی جرّاح الین چکسین،
یار باغلاسین یارامی.

اوتاغین گؤزل خالی،
دؤشنمیش گؤزل خالی.
مۆشتاغی جاندان ائیلر
بگیمین گؤزل خالی.

آرخالیغی آلدیمی،
قؽراقلاری شالدیمی؟
قونشوداکی گؤزلین
دوداقلاری بالدیمی؟

باکی قؽزی باکیلی،
آلنیندا وار ککیلی.
قونشودا بیر قؽز سئودیم،
کیمدی اونون وکیلی؟!

بو گلن سالاهدیمی؟
دریادان سئل آخدیمی؟
جانانسیز جان گزدیرمک،
عاشیق دئر: سالاهدیمی؟

قارشیدا اۆزه جالی،
سونالار اۆزج آلی.
جانانسیز اؤلمز عاشیق،
یئتیشسه یۆز اجالی.

گئجه ایشیق اولارمی؟
گۆل یاراشیق اولارمی؟
بیر قلبده ایکی سئوگی،
ایکی عاشیق اولارمی؟

آشیق اؤتن قوربانی
بؤلدوردو تن قوربانی.
آپار مینا داغینا،
کس یارا من قوربانی.

گؤزوم گؤردو او خانی،
او سولطانی، او خانی.
سینه‌می نیشان تیکدیم،
گلدیم دئیم اوخ هانی؟