بایاتی

ائله‌می او گۆله نم،
تئز کئچدی او گۆله نم.
نه دئییرسن آند ایچیم،
سنینله او گۆلنم.

داغلاری آشان منم،
الیمده یووشان منم.
چوخ دا یاریم کاسیبدی،
عهدیم وار، بوشانمانام.

آرخالیغی بۆزمنم،
اللی منم، یۆز منم.
الیم سندن اۆزولسه،
قلبیم سندن اۆزمنم.

داغلاری گزن منم،
داشلاری دۆزن منم.
یاریم وفالی یاردی،
الیمی اۆزممنم.

تامبورون تئلی منم،
شیروانین یئلی منم.
گیره‌یدیم قؽز قوینونا،
جنّتین گۆلو منم.

داغ باشیندا سار منم،
قلبی قارا تار منم.
دئییرلر یار کۆسوبدو،
دئمه گۆناهکار منم.

چارداخدا اوتورمنم،
گۆل-چیچک بیتیرمنم.
دۆنیانی قؽز بۆروسه،
سندن ال گؤتورمنم.

بو باغی باغ ائیلرم،
اۆستون چارداق ائیلرم.
ائشیتسم سن گلیرسن،
یولون چؽراق ائیلرم.

عاشیق ائله دۆشنم،
شئهم، گۆله دۆشنم.
زۆلفون تک داغیلقانام،
اۆزه-گؤزه دۆشنم.

گۆلم، گۆلو نئیلرم،
گۆله قوللوق ائیلرم.
منه اؤز گۆلوم گرک،
اؤزگه گۆلو نئیلرم.

پنجرمده شۆشه نم،
یارپاق اۆسته دۆشه نم.
نه سن گؤزدن سالانسان،
نه من گؤزدن دۆشنم.

عزیزی‌یم، چکمرم،
وئرمه قلیان، چکمرم.
الیم ساچینا دگسه،
شاهمار اولسا چکمرم.

بو یولدان گئجه دؤننم،
دؤنرسن، بئجه دؤننم.
اگر سن مندن دؤنسن،
من سندن نئجه دؤننم.

سو اۆزونده اۆزمرم،
هر سیتمه دؤزمرم.
من سنه بند اولموشام،
اؤلمه‌میش ال اۆزمرم.

داغلاری قار بزرم،
باغ سالیب، بار بزرم.
الیمه ساز گؤتوروب،
چالارام، یار بزرم.

دورنا کیمی سۆزمرم،
یامان درده دؤزمرم.
مندن اوزاق گزسن ده،
الیم سندن اۆزمرم.

الیمده نار بزرم،
ناری هامار بزرم.
بوردان بیر سونا کئچدی،
اونو آرار، گزرم.

قؽزیلگولو اکمرم،
دریب یئره تؤکمرم.
الیم زۆلفونه دگسه،
شاهمار اولسا چکمرم.

عزیزیم یاندی کرم،
اود توتدو، یاندی کرم.
حاضیرام شیرین جانی
یولوندا قوربان وئرم.

اوو گلسه اؤتورمرم،
طعنه سؤز گؤتورمرم.
یۆز ایل عؤمرومدن کئچسه،
سندن ال گؤتورمرم.